Кабінет беларускай мовы і літаратуры

Тыдзень беларускай мовы і літаратуры «Жывое ў вяках беларускае слова»

Тыдзень беларускай мовы і літаратуры «Жывое ў вяках беларускае слова»

 З 17 па 22 лютага 2020 года ў дзяржаўнай установе адукацыі «Сярэдняя школа №5 г. Жодзіна» праходзіў Тыдзень беларускай мовы і літаратуры.

Настаўнікі, навучэнцы школы акунуліся ў свет роднай беларускай культуры.

Пачатак Тыдня быў сапраўды святочным. Танцавальны калектыў 7 «Б» класа пад кіраўніцтвам класнага кіраўніка С.У. Сінькевіч прадставіў на суд гледачоў танцавальны флэш-моб «Зрабі крок наперад ды роднага танца!» Авацыямі сустракалі гледачы танец «Беларусь мая сінявокая» ў выкананні дзяўчат.

Традыцыйнымі мерапрыемствамі, прымеркаванымі да Міжнароднага дня роднай мовы, у школе сталі: акцыі «Размаўляй са мной па-беларуску», «Скарбонка мудрасці», сэлфі «Прысмакі па-беларуску», падчас якіх навучэнцы ў нацыянальных беларускіх касцюмах  сустракалі сваіх аднагодкаў, настаўнікаў ў фае школы , віталі іх на роднай мове, прасілі ў адказ на гэтыя прывітанні выказаць пажаданні на роднай мове, падзяліліся рэцэптамі сваіх  любімых  нацыянальных страў.

Вялікую цікавасць у вучняў  выклікалі вясёлыя перапынкі: «Моўныя загадкі», «Мы пачнем гульню шпарчэй!», на якіх дзеці прымалі актыўны ўдзел у розных конкурсах мовазнаўцаў: адгадвалі загадкі, гулялі  ў беларускія народныя гульні. А падчас музейнага занятку «Гонар продкаў» навучэнцы змаглі здзейсніць захапляльнае «падарожжа» ў эпоху Сярэднявечча.

Лагічным працягам гэтых мерапрыемстваў стаў удзел вучняў 5-11 класаў у рэспубліканскім дыстанцыйным конкурсе «Буслік», выступленне ўдзельнікаў школьнай канферэнцыі «Дзеці. Творчасць. Інтэлект». Юных  даследчыкаў зацікавілі такія пытанні, як гісторыя беларускага нацыянальнага касцюма, назвы беларускіх страў у творах мастацкай літаратурыі інш.

У рамках тыдня  прайшлі класныя гадзіны, прысвечаныя беларускім пісьменнікам-юбілярам 2020 г.

Заключным этапам Тыдня беларускай мовы і літаратуры стаў конкурс чытальнікаў «Жывое ў вяках беларускае слова», у якім прынялі ўдзел лепшыя вучні нашай школы і змаглі прадэманстраваць свае творчыя здольнасці. Усе удзельнікі былі ўзнагароджаны дыпломамі.

свернуть

Справаздача аб правядзенні Тыдня беларускай мовы і літаратуры ў Дзяржаўнай установе адукацыі “Сярэдняя школа № 5 г. Жодзіна” 2019/2020 навучальны год

Справаздача

аб правядзенні Тыдня беларускай мовы і літаратуры

ў Дзяржаўнай установе адукацыі “Сярэдняя школа № 5 г. Жодзіна”

2019/2020 навучальны год

 

З 17 па 22 лютага 2020 года ва ўстанове адукацыі праходзіў Тыдзень беларускай мовы і літаратуры. Тыдзень быў прыўрочаны да Міжнароднага Дня роднай мовы. У план правядзення ўключаны адкрытыя мерапрыемствы, праведзеныя ў адпаведнасці з тэматыкай і мэтамі Тыдня беларускай мовы ў нетрадыцыйнай форме.

Мэты правядзення Тыдня беларускай мовы і літаратуры:

  • выхоўваць цікавасць да роднага слова;
  • пашыраць круг ведаў і інтарэсаў навучэнцаў ;
  • развіваць імкненне вывучаць гісторыю, культуру свайго народа;
  • заахвочваць навучэнцаў да актыўнага ўдзелу ў мерапрыемствах школы, даць магчымасць праявіць творчыя здольнасці.

 Задачы тыдня:

  • удасканаленне майстэрства настаўнікаў праз падрыхтоўку, арганізацыю і правядзенне пазакласных мерапрыемстваў;
  • далучэнне навучэнцаў да творчай дзейнасці, павышэнне іх цікавасці да вывучэння беларускай мовы і літаратуры;
  • выхаванне нацыянальнай самасвядомасці, патрыятызму, высокіх маральных якасцей асобы вучня сродкамі вучэбнага прадмета.

У школе прайшлі мерапрыемствы, якія вылучаліся разнастайнасцю формаў, выкарыстаннем сучасных адукацыйных тэхналогій, масавасцю.

У арганізацыі і правядзенні Тыдня прымалі ўдзел настаўнікі беларускай мовы і літаратуры, вучні 5-11 класаў.

У рамках Тыдня праведзены агульнашкольныя мерапрыемствы:

  • 02.Танцавальны флэшмоб “Зрабі крок наперад – да роднага танца”. Адказныя: Святлана Уладзіміраўна Сінькевіч, Апіцёнак Юлія Аляксандраўна.
  • 02.Выступленне ўдзельнікаў школьнай канферэнцыі “Дзеці. Творчасць. Інтэлект”. Адказная Алена Іванаўна Вянгерская.
  • 02. Музейны занятак “Хатка з матчынай душой”. Адказныя: Алена Пятроўна Губар, Святлана Уладзіміраўна Сінькевіч.
  • 02. Рэспублiканскi конкурс па беларускай мове i лiтаратуры “Буслiк”. Адказныя настаўнікі беларускай мовы і літаратуры.
  • 02. Скарбонка мудрасці. Адказная Святлана Уладзіміраўна Сінькевіч.
  • 02. Конкурс чытальнікаў “Жывое ў вяках беларускае слова”. Адказныя: Алена Пятроўна Губар, Святлана Уладзіміраўна Сінькевіч.

Адкрытыя мерапрыемствы:

  • 02.Інфармацыйная гадзіна “Агульны агляд пісьменнікаў юбіляраў 2020г.”. Настаўнік Святлана Уладзіміраўна Сінькевіч.
  • 02. Інтэлектуальная віктарына “Свая гульня”(Па творчасці У. Караткевіча). Настаўнік Вольга Міхайлаўна Казлоўская.
  • 02. Моўны турнір. Настаўнік Таццяна Сцяпанаўна Сазонава.
  • 02.Класная гадзіна “Зямля пад белымі крыламі”(Да 90-годдзя з дня нараджэння У. Караткевіча). Настаўнік Юлія Пятроўна Шульжык.

Вясёлыя перапынкі:

  • 02.Вясёлы перапынак “Моўныя загадкі”. Настаўнік Таццяна Паўлаўна Дабравольская.
  • 02.Вясёлы перапынак “Мы пачнем гульню шпарчэй!”. Настаўнік Алена Пятроўна Губар.

Афармленне інфармацыйнай прасторы школы:

  • З 17.02. па 22.02. Выстава “Пісьменнікі - юбіляры”. Адказныя: Алена Пятроўна Губар, Святлана Уладзіміраўна Сінькевіч.
  • З 17.02. па 22.02. Сэлфі “Прысмакі па-беларуску”. Настаўнік Таццяна Паўлаўна Дабравольская.
  • З 17.02. па 22.02. Выстава “Гавары са мной па-беларуску“. Настаўнік Юлія Пятроўна Шульжык.
  • З 21.02 па 22.02. Выстава “Рускай мове дай разгрузку”. Адказная Святлана Уладзіміраўна Сінькевіч.

Праведзеныя агульнашкольныя і адкрытыя мерапрыемствы прайшлі на высокім метадычным ўзроўні з выкарыстаннем інфармацыйных педагагічных тэхналогій.

Дзякуючы працы настаўнікаў і вучняў Тыдзень беларускай мовы і літаратуры прайшоў у святочным настроі, удзельнікі былі ўзнагароджаны “Дыпломамі”.

Хочацца падзякаваць усім, хто дапамагаў у арганізацыі мерапрыемстваў: Апіцёнак Ю.А., Фядорына Ю. А., Апіцёнак А.Я., Каваленка У.Ф.

Вынікі правядзення прадметнага тыдня будуць абмеркаваны на чарговым пасяджэнні МА. Аднак ужо і зараз можна прыйсці да высновы, што Тыдзень беларускай мовы і літаратуры  прайшоў на добрым узроўні, мэты, пастаўленыя настаўнікамі, былі дасягнуты.

Кіраўнік метадычнага аб’яднання

настаўнікаў беларускай мовы і літаратуры                                 А.П. Губар

 

 

 

свернуть